Eki kún ishinde Ukraina Prezidenti menen eki márte telefon arqalı sóylesken AQSh Prezidenti Donald Tramp endi Moskva menen kelispewshilikti sheshiw hám Kievke qosımsha qural jetkerip beriw máselesin dodalawǵa tayar ekenin bildirdi.

Ol AQSh qoymaxanasındaǵı qural-jaraq rezervi qanday muǵdarda bolıwına qaramastan, Ukrainaǵa kóbirek qural-jaraq beriw imkaniyatı kórip shıǵılatuǵının atap ótti.
Kievke “Tomahawk” raketaları jetkerip beriliwi boyınsha Tramp Rossiya jetekshisi Vladimir Putin menen “sóylesiwge tuwra keliwi múmkin”ligin bildirdi.
“Olar “Tomahawk” raketaları ózlerine qaray ushıwın qáley me? Men olay dep oylamayman. Tek aytıwım múmkin, eger urıs saplastırılmasa, Ukrainaǵa “Tomahawk” raketaların beremiz. Aytıp óteyin, bul qurılma aqılǵa uǵras kelmeytuǵın dárejede hújim quralı bolıp esaplanadı”, – dedi Tramp.

S.Rahimov, ÓzA