Ózbekstan Respublikası Prezidenti Shavkat Mirziyoev Tájikstan Respublikası Prezidenti Emomali Rahmonnıń mirát etiwine bola 9-10-oktyabr kúnleri ámeliy sapar menen usı mámlekette boladı.

Mámleketimiz basshısı Dushanbe qalasında bolıp ótetuǵın “Oraylıq Aziya – Rossiya” formatındaǵı ekinshi sammit hám Ǵárezsiz Mámleketlerdiń Doslıq Awqamı Mámleket basshıları keńesiniń gezektegi májilisinde qatnasadı.

Bolajaq ilajlardıń kún tártibinen kóp táreplemeli birge islesiwdi bunnan bılay da keńeytiw, sonıń ishinde, siyasiy sóylesiwdi bekkemlew, sawda-ekonomikalıq hám investiciyalıq tarawlarda qospa joybarlardı alǵa qoyıw, sanaat, awıl xojalıǵı, transport, energetika hám infrastruktura tarawlarında kooperaciyalaw, jedel mádeniy-gumanitarlıq almasıwdı dawam ettiriw máseleleri orın alǵan.

Jetekshiler xalıqaralıq kún tártibi hám regionallıq qáwipsizlikti támiyinlewdiń áhmiyetli táreplerin de dodalaydı.

Sammitlerdiń juwmaǵında ámeliy birge islesiwdi bunnan bılay da rawajlandırıwǵa qaratılǵan bir qatar birgeliktegi hújjetler hám qararlardıń qabıl etiliwi názerde tutılǵan.

ÓzA