Oliy Majlis Nızamshılıq palatasındaǵı “Adolat” SDP frakciyasınıń májilisinde “Ózbekstan Respublikasınıń ayırım nızam hújjetlerine ózgerisler hám qosımshalar kirgiziw haqqında”ǵı nızam joybarı dodalandı.

Bul nızam joybarı menen “Jergilikli mámleketlik hákimiyat haqqında”ǵı nızamǵa hákim lawazımına talaban tiyisli xalıq deputatları Keńesinde onıń kandidaturası kórip shıǵılıp atırǵanda aymaqtı sociallıq-ekonomikalıq rawajlandırıwdıń keleshekke mólsherlengen baǵdarlaması menen bir qatarda, korrupciyaǵa qarsı gúresiw rejesin de usınıwın názerde tutatuǵın ózgerisler kirgizilmekte.
“Ózbekstan Respublikası Oliy Majlisi Nızamshılıq palatasınıń Reglamenti haqqında”ǵı hám “Ózbekstan Respublikası Ministrler Kabineti haqqında”ǵı nızamlarǵa bolsa Ministrler Kabineti aǵzası lawazımına talaban onıń kandidaturası Nızamshılıq palatasında kórip shıǵılıp hám maqullanıp atırǵanda Ministrler Kabinetiniń Háreketler baǵdarlaması menen óz-ara baylanıslı bolǵan, keleshekke mólsherlengen maqsetli kórsetkishler hám wazıypalarǵa erisiw baǵdarındaǵı huqıqıy, ekonomikalıq, sociallıq, shólkemlestiriwshilik-texnikalıq ilajlardı názerde tutatuǵın háreketler rejesinen tısqarı korrupciyaǵa qarsı gúresiw rejesin usınıwı názerde tutılıp atır.
Dodalawlar dawamında frakciya aǵzaları nızam joybarınıń áhmiyetine, sonıń menen birge zárúrligine itibar qaratıp, onda názerde tutılıp atırǵan ayırım normalar boyınsha óz pikir-usınısların bildirdi. Sonıń menen birge, bul hújjet mámleketimizde korrupciyanıń aldın alıw sistemasın jańa basqıshqa alıp shıǵatuǵının atap ótti.
Atap aytqanda, frakciya aǵzası Zuhriddin Mavlonovtiń aytıwınsha, nızam joybarınıń qabıl etiliwi jámiyette ashıq-aydınlıq dárejesiniń artıwına, bsshılar jámiyetlik aldındaǵı juwapkershiligin jáne de tereń seziniwine xızmet etedi.
Qızǵın pikir talaslardan soń, nızam joybarı deputatlar tárepinen qollap-quwatlandı.
Májiliste kún tártibinen orın alǵan basqa máseleler de kórip shıǵılıp, tiyisli qararlar qabıl etildi.

ÓzA