Ózbekstan Respublikası Ministrler Kabineti “Salamat áwlad ushın” húkimetke qaraslı bolmaǵan xalıqaralıq qayırqomlıq fondınıń jumısın bunnan bılay da jetilistiriw ilajları haqqında”ǵı qarardı qabıl etti.

Oǵan muwapıq, “Salamat áwlad ushın” húkimetke qaraslı bolmaǵan xalıqaralıq qayırqomlıq fondınıń rayon (qalalarda shólkemlestirilgen tayanısh punktleri saplastırıladı.
Tayanısh punktleriniń wazıypaları Fondtıń aymaqlıq filiallarına júklenedi.
Sonday-aq, usı punktlerdiń bar múlki belgilengen tártipte Fondtıń aymaqlıq filiallarına ótkeriledi.
Orınlarda, ásirese, alıs hám shetki aymaqlarda reproduktiv jastaǵı hayal-qızlar, hámiledarlar hám balalarǵa kórsetiletuǵın medicinalıq járdemniń sapasın bunnan bılay da jaqsılaw maqsetinde reproduktiv jastaǵı hayal-qızlar hám balalar arasında kesellikti azaytıwǵa jáne olardı salamatlandırıwǵa baǵdarlanǵan “Salamat hayal hám bala aylıǵı” jılına eki márte shólkemlestiriledi.
Balalar hám jas óspirimler, ásirese, jas óspirim qızlar profilaktikalıq tekseriwler menen qamtıp alınadı, sonday-aq, nawqas hayal-qızlar hám mayıplıǵı bolǵan balalar tereńlestirilgen medicinalıq tekseriwden ótkeriledi hám olardı salamatlandırıw ilajları kóriledi.
“Peace Village International” xalıqaralıq shólkemi nawqas balalardı tasıw ushın buyırtpa etilgen hawa kemesin qabıl etedi hám jiberiwde aeronavigaciya hám jer ústi aeroport xızmetleri ushın jıyımlar hám tólemlerden azat etiledi (janarmay ushın tólemnen tısqarı), sonday-aq, nawqas balalar hám olardı baqlap júriwshi shıpakerlerdiń Islam Kárimov atındaǵı Tashkent xalıqaralıq aeroportınıń “CIP” zalınan biypul ótiwi shólkemlestiriledi.

ÓzA