Ózbekstan Respublikası Prezidenti Shavkat Mirziyoev Ázerbayjan Respublikası Prezidenti Ilham Alievtiń mirát etiwine bola 6-7-oktyabr kúnleri ámeliy sapar menen usı mámlekette boladı.

Mámleketimiz basshısı Túrkiy mámleketler shólkeminiń Gabala qalasında bolıp ótetuǵın gezektegi sammitinde qatnasadı.
“Regionallıq tınıshlıq hám qáwipsizlik” temasında ótkeriletuǵın májilis kún tártibinen shólkem sheńberindegi kóp tárepleme birge islesiwdi bunnan bılay da rawajlandırıw hám keńeytiwdiń áhmiyetli máseleleri orın alǵan.
Siyasat, sawda-ekonomika, innovaciya, investiciya, energetika, transport-kommunikaciya, gumanitar hám basqa da tiykarǵı tarawlardaǵı ámeliy birge islesiw perspektivaları kórip shıǵıladı.
Delegaciyalar basshıları xalıqaralıq siyasattıń áhmiyetli tárepleri boyınsha da pikir almasadı.
Sammit jumaǵında shólkemge aǵza mámleketler arasındaǵı óz-ara paydalı birge islesiwdi jáne de keńeytiwge qaratılǵan birgeliktegi qarar hám hújjetler qabıl etiliwi rejelestirilgen.

ÓzA