Senattıń Jergilikli hákimiyat wákillikli uyımlarınıń jumısın kúsheytiwge járdemlesiw komissiyasınıń baslıǵı Anvar Tuychiev “Iran-Ózbekstan” parlamentleraralıq doslıq toparınıń baslıǵı Javad Nikbin basshılıǵındaǵı delegaciya menen ushırastı.

Sóylesiw waqtında eki mámleket parlamentleri arasındaǵı birge islesiw baylanısların bunnan bılay da bekkemlew máseleleri dodalandı.
Atap aytqanda, “Ózbekstan-Iran” hám “Iran-Ózbekstan” parlamentleraralıq doslıq toparlarınıń jumısın jáne de rawajlandırıw, parlamentler dárejesinde tájiriybe almasıw hám birgeliktegi baslamalardı qollap-quwatlaw zárúr ekenligi atap ótildi.
Sonday-aq, jergilikli Keńeslerdiń jumısın rawajlandırıw, aymaqlardaǵı baslamalardı qollap-quwatlaw hám wákillikli uyımlardıń jumısında aldınǵı tájiriybeni qollanıw boyınsha birge islesiw máselelerine ayrıqsha itibar qaratıldı. Bul baǵdarda eki táreptiń de turaqlı sóylesiw hám birge islesiwdi jolǵa qoyıwǵa tayar ekenligi bildirildi.
Tárepler parlamentleraralıq sóylesiwdi turaqlı dawam ettiriw, imkaniyatlardan nátiyjeli paydalanıw hám birgeliktegi baslamalardı ámelge asırıw Ózbekstan hám Iran arasındaǵı doslıq baylanısların jańa basqıshqa alıp shıǵıwǵa xızmet etetuǵının atap ótti.

Qaraqalpaqstan xabar agentligi