Iordaniya Hoshimiyler Patshalıǵınıń “Ammonnews” basılımında Ózbekstan Respublikası Prezidenti Shavkat Mirziyoev Nyu-York qalasına saparı isbilermenlik baǵdarlaması sheńberinde Amerikanıń jetekshi kompaniyaları, investiciyalıq qorlar hám finanslıq institutlardıń basshıları menen ushırasıp, dógerek sáwbeti ótkergenin sáwlelendirgen.

Maqalada ilajlar AQSh Prezidentiniń Qubla hám Oraylıq Aziya boyınsha arnawlı wákili Serjio Gor, global sheriklik boyınsha arnawlı wákili Paolo Zampolli, sawda ministriniń orınbasarı Uilyam Kimmitt, Amerika-Ózbekstan sawda palatasınıń baslıǵı Kerolin Lemm, sonday-aq, “Franklin Templeton”, “Citigroup”, “BNY Mellon”, “NASDAQ”, “Boeing”, “Mastercard”, “Visa”, “General Motors”, “Nvidia”, “Oppenheimer”, “Jefferies”, “Air Products”, “Traxys”, “FLSmidth”, “GoGreen Partners”, “Cleveland Clinic”, “Cargill” sıyaqlı kompaniyalardıń top-menedjerleri hám Ózbekstannıń iri kompaniyalarınıń basshıları qatnasıwında ótkeni atap ótilgen.
– Xalıqaralıq valyuta qorınıń wákili Kristalina Georgieva Ózbekstanda alıp barılıp atırǵan “qaytpas” reformalardı joqarı bahalap, texnikalıq járdem kúsheytiletuǵının atap ótti, – delingen maqalada. – Jáhán bankiniń wákili Ajayi Banga da respublikadaǵı izbe-iz háreketlerdi atap ótip, banktiń 14 milliard dollarlıq joybar portfeline ayrıqsha toqtap ótken.
Avtor mámleketimiz basshısı sóziniń aldında Prezident Donald Tramp penen jaqında bolıp ótken sóylesiwde ekonomikalıq birge islesiwdi keńeytiw hám uzaq múddetli keleshekke mólsherlengen salmaqlı joybarlar portfelin qáliplestiriwge kelisip alınǵanın atap ótken. Usı múnásibet penen bul ushırasıw joqarıdaǵı wazıypalardı orınlawda ayrıqsha áhmiyetke iye ekeni atap ótilgen.

Muharrama Pirmatova, ÓzA