Transport quralların ekologiyalıq sertifikatlaw tártibine ózgeris kirgizildi.

Ministrler Kabinetiniń usı jıl 19-sentyabrdegi 597-sanlı qararı menen respublikaǵa alıp kirilip atırǵan dóńgelekli transport qurallarınıń ekologiyalıq kategoriya talaplarına muwapıqlıǵın bahalaw sisteması jetilistirildi.
Qararǵa bola:
• M hám N kategoriyadaǵı jańa transport qurallarınıń ekologiyalıq kategoriya talaplarına muwapıqlıǵın ekologiyalıq sertifikatlaw tártibi biykar etildi;
• Bunday transport quralları endi 2017-jıl 25-apreldegi 237-sanlı qarar menen tastıyıqlanǵan ulıwma texnikalıq reglament talapları tiykarında bahalanadı hám transport quralınıń túrin maqullaw hám muwapıqlıq sertifikatlarında sáwlelendiriledi;
• Elektr dvigatel menen úskenelengen dóńgelekli transport quralları da ayrıqsha ekologiyalıq kategoriya talaplarına muwapıq bahalanbaydı.
Qarardıń orınlanıwın qadaǵalaw Ózbekstan Bas ministriniń orınbasarı – ekonomika hám qarjı ministri Jamshid Qwchqorovqa hám Ministrler Kabineti janındaǵı Texnikalıq jaqtan tártipke salıw agentliginiń direktorı Akmal Jumanazarovqa júklendi.

M.Eshmirzaeva, ÓzA