Prezidentimiz jámiyettiń eń tómengi buwınına shekem túsip, “máhálle kesiminde” islesiw sisteması jolǵa qoyılǵanı ózin hár tárepleme aqlaǵanın atap ótti.

Hár bir shańaraq penen individual reje tiykarında islesiw, dáramatın arttırıw ushın jeterli resurs ajıratıldı. Máhállelerdi abat etiw, adamlardıń turmısın jaqsılaw hám isbilermenlik infrastrukturasın rawajlandırıwǵa hár jılı 2,5-3 milliard dollar qaratılmaqta.
Awıl xalqın dáramatlı etiw ushın 235 mıń gektar paxta hám ǵálle maydanı qısqartılıp, adamlarǵa 30-50 sotixtan jer ajıratıwdıń jańa mexanizmi engizildi. Bul jumıslar 800 mıń adamnıń dáramatın arttırıwda áhmiyetli qádem boldı.
Jetekshi isbilermenlerdiń járdeminde qıytaq jerde dáramatlı eginlerdi egiw hám kepillikli satıp alıw sisteması jolǵa qoyıldı.
– Bir sóz benen aytqanda, hár bir máhállege biznes ortalıǵı, hár bir shańaraqqa abadanlıq kirip kelgenin adamlar óz turmısında sezinbekte. Bunday keń kólemli háreketlerimiz esabınan Ózbekstan 2030-jılǵa shekem kámbaǵallıqtı eki esege qısqartıw boyınsha alǵan minnetlemesin waqtınan burın orınlawǵa háreket etpekte.
2030-jılǵa barıp, xalıqaralıq normalarǵa bola, Ózbekstanda absolyut kámbaǵallıqtı tolıq saplastırıwǵa barlıq imkaniyatımız bar, – dedi Prezident.

ÓzA