Prezident Shavkat Mirziyoev Namangan qalasında “Kámbaǵallıqtan abadanlıqqa qaray” xalıqaralıq forumınıń ashılıwında shıǵıp sóyledi.

Keyingi segiz jılda Ózbekstanda insan huqıqların qorǵaw, múnásip jumıs ornı menen támiyinlew, dáramatın arttırıw, turmıs sharayatın jaqsılawǵa qaratılǵan úlken jumıslar ámelge asırılǵanı atap ótildi.
Barlıq háreketler hár bir insan, ásirese, jaslar hám hayal-qızlar óz potencialın tolıq kórsetiwi ushın sharayat jaratıw hám imkaniyatların keńeytiwge qaratıldı.
Eń qıyın dáwirde kámbaǵallıqqa qarsı gúresiw mámleketlik siyasat dárejesine alıp shıǵılıp, ulıwma milliy háreketke aylandırıldı.
Mámleketimiz basshısı sol waqıtta bizde kámbaǵallıq dárejesin bahalaw boyınsha anıq norma hám metodologiya joq bolǵanın atap ótti. Jáhán banki hám BMSh institutları menen birgelikte xalıqaralıq tájiriybe tiykarında kámbaǵallıqtıń milliy normaları islep shıǵıldı.
Jańalanǵan Konstituciyamızda pensiyalar, napaqalar hám sociallıq járdem muǵdarları eń kem tutınıw qárejetlerinen az bolmawı qatań belgilep qoyıldı.
Izbe-iz reformalar sebepli 7,5 million xalıq kámbaǵallıqtan shıǵarılıp, kámbaǵallıq dárejesi 2024-jılı 8,9 procentke túsirildi. Jıldıń aqırına shekem onı 6 procentke shekem azaytıw maqset etilgen.

ÓzA