Prezident Shavkat Mirziyoevtiń basshılıǵında videoselektor májilisi dawam etpekte.

– Qamtıp alıwdı arttırıw ushın barlıq sharayat jaratıp berip atırmız, biraq baqshalarǵa jańa nápes, jańa metodika kirip keliwi, tárbiyashılardıń potencialı da soǵan jarasa bolıwı kerek, – dedi Prezident.
Jaz máwsiminde 118 mıń tárbiyashınıń qánigeligi arttırıldı, biraq bul jetkilikli emesligi atap ótildi.
Sonlıqtan, jańa oqıw jılınan pedagogikalıq joqarı oqıw orınlarında orta arnawlı maǵlıwmatlı tárbiyashılar ushın “1+5” (1 kún oqıw, 5 kún jumıs) bakalavr tálim túri engiziledi. Bul arqalı baqshalarǵa hár jılı derlik 10 mıń joqarı maǵlıwmatlı qánige kirip keledi.
Jeke menshik baqsha menen mámleketlik baqsha ushın tálim-tárbiyanıń sapası boyınsha birden-bir qatnas joq ekenligi kórsetip ótildi.
Usı múnásibet penen kelesi jılı hár bir wálayatta baqsha tárbiyashılarınıń pedagogikalıq sheberligin arttırıwǵa metodikalıq járdemlesetuǵın tayanısh “Jańa áwlad” baqshaları qurıladı.
Juwapkerlerge “Jańa áwlad” baqsha joybarın eski hám bir túrdegi qatnasıqlardan shıǵıp, jańasha islep shıǵıw tapsırıldı.

ÓzA