Isbilermenler menen ashıq pikirlesiwde 80 rayonda baqsha ashıw ushın jeńillikler járiyalanǵan edi.

Bul mexanizmnen únemli paydalanıp, baqsha orınların kóbeytiw zárúr ekenligi kórsetip ótildi.
Qashqadáryanıń barlıq rayonlarında jeke menshik sektor hám sırt elli sherikler menen eki jıl ishinde baqsha hám mektep ornı 3 esege artqan. Wálayat hákimlerine bul tájiriybeni úyreniw tapsırıldı.
Ulıwma, hár bir rayonda baqshaǵa qamtıp alıw 80 procentten kem bolmawı shárt ekenligi belgilendi. Onıń ushın wálayat hám rayon hákimlerine bos jerlerdi tawıp, aukcionǵa shıǵarıw, Mektepke shekemgi hám mektep bilimlendiriwi ministrligi menen birgelikte qaysı mektep hám baqshalarda bos orın bolsa, baqsha qurıw rejesin belgilew wazıypası qoyıldı.
Juwapkerlerge bos jerlerde baqsha shólkemlestiriw boyınsha jeke menshik sheriklik yamasa investiciya kirgiziw shárti menen úsh jıllıq baǵdarlama qabıl etiw, jańa jeke menshik baqshalarǵa subsidiya beriw, tárbiyashılardıń miynet haqısınıń bir bólegin qaplaw tártibin engiziw tapsırıldı.
Prezident Shavkat Mirziyoevtiń basshılıǵında videoselektor májilisi dawam etpekte.

ÓzA