Báseki komiteti hám onıń aymaqlıq basqarmaları jumısshı toparı tárepinen sırtqı jazıwlar hám reklama obektleriniń ámeldegi nızam hújjetlerine muwapıq ornatılǵannıń jaǵdayı úyrenilmekte.

“Reklama haqqında”ǵı nızam talapları buzılǵanı anıqlanǵan isbilermenlik subektlerine is qozǵatılıp, kemshiliklerdi saplastırıw boyınsha kórsetpeler berilip, tólemli járiymalar da qollanılmaqta.
Qaraqalpaqstan Respublikası Báseki komiteti tárepinen “ISLAM TEXNO MIR” JShJda sırtqı reklama qaǵıydalarına ámel etiliwi boyınsha úyreniw ótkerildi.
Úyreniw nátiyjesinde jámiyet tárepinen 1 kv.m hám onnan artıq reklamalar pasportsız jaylastırılǵanı anıqlandı. Bul jaǵday rásmiy akt penen tastıyıqlanıp, Ministrler Kabinetiniń 225-sanlı qararına tiykarlanıp is qozǵatıldı.
Nátiyjede, “ISLAM TEXNO MIR” JShJǵa tólemli járiyma qollanıw boyınsha Nókis rayonlar aralıq ekonomikalıq sudına dawa arza kirgizilip, arza qanaatlandırıldı.
Surxandárya wálayatı Altınsay rayonında “Reklama haqqında”ǵı nızamshılıq talapların úyreniw procesinde puqara S.E. tárepinen shólkemlestirilgen “IYMONA TRAVEL DENOV” atlı telegram toparında “UMRA HAJ” saparı boyınsha nızamsız reklama tarqatılǵanı anıqlandı. Nızam buzılıw jaǵdayı boyınsha puqaraǵa hákimshilik járiyma qollanıldı.
Reklama jaylastırıwdaǵı nızambuzıwshılıq boyınsha Tashkent, Sırdárya, Samarqand wálayatlarında ushırasqan jaǵdaylar arnawlı komissiya tárepinen kórip shıǵılıp, nızambuzıwshı subektlerge belgilengen tártipte tásir ilajları qollanıldı.
Sonday-aq, nızamsız reklamalardı saplastırıw hám keleshekte nızam buzılıwına jol qoymaw boyınsha kórsetpeler berildi.

ÓzA