Saudiyanıń “The Independent Arabia” basılımı Damasktaǵı joqarı mártebeli dáreklerge súyenip, Siriya hám Izrail 25-sentyabr kúni AQShtıń qatnasıwında qáwipsizlik shártnamasına qol qoyıwdı rejelestirip atırǵanı haqqında jazdı.
Máresimde Prezident Donald Tramp qatnasıwı kútilmekte.

Basılımnıń jazıwınsha, ilajdan bir kún aldın Siriya jetekshisi Ash-Shara Nyu-Yorkta BMSh Bas assambleyasında shıǵıp sóyleydi.
– Shártnamaǵa qol qoyılıwı tolıq tınıshlıq ornatılıwın ańlatpaydı, – delinedi xabarda. – Bul eki mámleket arasındaǵı keskinlikti azaytıwǵa qaratılǵan, tek sheklengen qáwipsizlik ilajın názerde tutatuǵın hújjet ǵana.
Izrail bul bildiriwge ele rásmiy túsinik bermegen. Eger maǵlıwmat tastıyıqlansa, bul 1948-jıldan berli rásmiy túrde urıs jaǵdayında qalıp atırǵan Izrail hám Siriya qatnasıqlarında misli kórilmegen qádem boladı.

Qaraqalpaqstan xabar agentligi