Qırǵız Respublikası Bas prokuraturası janındaǵı Sud hújjetlerin orınlaw hám onıń ústinen qadaǵalaw strukturasınıń wákilleri elimizge keldi.

Sapar etiwden maqset Ózbekstan Respublikası Bas prokuraturası janındaǵı Májbúriy orınlaw byurosı hám Qırǵız Respublikası Bas prokuraturası janındaǵı Sud orınlawshıları xızmeti arasında eki tárepleme qatnasıqlardı hám eki mámlekettiń májbúriy orınlaw xızmetleri arasında birge islesiwdi jolǵa qoyıwdan ibarat.
Ózbekstan Respublikası Bas prokuraturası hám Májbúriy orınlaw byurosınıń juwapker xızmetkerleri delegaciya wákilleri menen ushırasıw ótkerdi.
Onda delegaciya aǵzalarına Ózbekstan Respublikasınıń májbúriy orınlaw sistemasında ámelge asırılıp atırǵan reformalar haqqında maǵlıwmat berildi.
Bunnan soń miymanlar Májbúriy orınlaw byurosınıń Yashnabad rayonlıq bólimine barıp, ol jerde mámleketlik orınlawshılardıń jumısı, sistemaǵa engizilgen sanlastırıw processleri menen jaqınnan tanıstı.
Qırǵız Respublikası Bas prokuraturası janındaǵı Sud hújjetlerin orınlaw hám onıń ústinen qadaǵalaw bóliminiń baslıǵı K.Masalbekova hám delegaciya qatnasıwshıları orınlaw hújjetlerin májbúriy orınlaw tarawında ámelge asırılıp atırǵan reformalar, sonday-aq, processlerdi sanlastırıw sebepli erisilip atırǵan nátiyjelerdi joqarı bahaladı.
Miymanlar Huqıq qorǵaw akademiyasında bolıp, bilimlendiriw tarawında ámelge asırılǵan institucionallıq ózgerisler, akademiyanıń tariyxı hám jumısı, kiberjınayatlardı ashıwda erisilgen jetiskenlikler, bilim alıwshılardıń ámeliy kónlikpelerin qáliplestiriwge qaratılǵan oqıw procesi menen jaqınnan tanıstı.
Delegaciya wákilleri elimizde múlklerdi “E-Auksion” elektron onlayn-sawdaları arqalı satıw boyınsha ámelge asırılıp atırǵan aldınǵı tájiriybe menen de jaqınnan tanıstı.

N.Abduraimova,
ÓzA