Bul haqqında Prezidentimiz Shavkat Mirziyoevtiń isbilermenler menen ashıqtan-ashıq sóylesiwinde atap ótildi.

On altı rayondı jedel rawajlandırıwǵa bıyıl jámi 1,1 trillion sum ajıratıldı. Bunday qatnaslardı Jáhán banki de tán alıp, 250 million dollar bermekte.

Kelesi jılı jáne 500 million dollar esabınan 30 rayonda usınday jumıslar ámelge asırıladı. Bul sanaat, servis, qurılıs tarawlarındaǵı isbilermenlerge úlken imkaniyat, júz mıńlaǵan jumıs orınların jaratıw ushın sharayat boladı.
Biznes wákillerinde qosımsha orın alıwǵa mútájlik bar. Biraq ijara bahası, shártiniń tez ózgerip atırǵanı olardıń keleshektegi rejelerine tásir etpekte.
Endigiden bılay mámleketlik obektler hám jer uchastkaları jıllıq ijara bahasın indekslew inflyaciya dárejesinen asırılmaydı.
Kelesi jıldan mámleketlik aktivler bes jılǵa ijaraǵa beriledi. Eger ijaraǵa alıwshı ózi qálese yamasa minnetlemesin orınlamasa ǵana shártnama biykar boladı.
1991-jılı qabıl etilgen “Ijara haqqında”ǵı nızam tiykarınan mámleketlik uyımlardıń mápin qorǵawǵa qaratılǵanı atap ótildi. Sol sebepli ijaraǵa beriwshi hám ijaraǵa alıwshınıń huqıqların birdey qorǵaytuǵın jańa redakciyadaǵı nızam islep shıǵıladı.

ÓzA