Usı jıl 14-avgust kúni Prezidenttiń “Qaraqalpaqstan Respublikasın sociallıq-ekonomikalıq rawajlandırıwǵa qaratılǵan ilajlardı bunnan bılay da jedellestiriw haqqında”ǵı PQ-248-sanlı qararı qabıl etildi.

Hújjetke muwapıq, tómendegiler 2025-2026-jıllarda Qaraqalpaqstan Respublikasın turaqlı sociallıq-ekonomikalıq rawajlandırıwdıń tiykarǵı maqsetli kórsetkishleri etip belgilendi, sonıń ishinde:
• jalpı aymaqlıq ónim kólemin ortasha 6-6,5 procentke jetkeriw;
• sanaat óndirisi kólemin 5-6 procentke jetkeriw;
• bazar xızmetleri kólemin 15-17 procentke jetkeriw.
Qararǵa bola, Qaraqalpaqstan Respublikasın 2035-jılǵa shekem rawajlandırıw boyınsha strategiya 5 jıllıq tolıq baǵdarlama tiykarında ámelge asırıladı.
Baǵdarlamanı qarjılandırıw ushın nátiyjege tiykarlanǵan qarjılandırıw sisteması (PforR) boyınsha 150-200 million AQSh dolları muǵdarındaǵı sırt el qarjıları tartıladı.

Qaraqalpaqstan xabar agentligi