Prezident Shavkat Mirziyoevtiń basshılıǵında toqımashılıq tarawında eksport imkaniyatları hám rezervlerdi iske qosıw máseleleri boyınsha videoselektor májilisi dawam etpekte.

Ótken jılı 5 million dollardan aslam eksport etken 55 kárxananıń hár birinde keminde 200 adamnan jumısshı islemekte. Biraq bul kárxanalar tiykarınan wálayat oraylarında hám sanaatı rawajlanǵan rayonlarda jaylasqan.
Olarǵa járdem berilse, alıs hám sanaat kirip barmaǵan rayonlarda filial ashpaqshı. Oǵan Sawdanı rawajlandırıw kompaniyasınan bes jılǵa 10 milliard sumǵa shekem Oraylıq banktiń tiykarǵı stavkasında kredit beriledi. Sırt elli dizayner, texnolog, konstruktor hám marketologlardıń miynet haqısı qaplap beriledi.
Qoyılatuǵın shárt – kárxanalar 200 jumıs ornın jaratıwı hám múnásip miynet haqı tólewi kerek.
Juwapkerlerge bul xoshametlewlerdi iske qosıp, usı jılı 20, kelesi jılı jáne 30 rayonda tigiwshilik fabrikaların iske qosıw tapsırıldı.
Bul jumıslar Qaraqalpaqstannan baslanatuǵını belgilendi.

ÓzA