Ózbekstan Respublikası Prezidenti Shavkat Mirziyoevtiń Mongoliyaǵa mámleketlik saparı juwmaqlandı.
Tariyxta birinshi bolǵan bul sapar etiw Ózbekstan-Mongoliya qatnasıqlarında jańa basqıshtı baslap berdi hám kóp táreplemeli birge islesiwdiń rawajlanıwı ushın keń imkaniyatlar ashtı.

Mámleketimiz basshısı keshe Ulan-Bator qalasında Prezident Uxnaagiyn Xurelsux penen tar sheńberde hám keńeytilgen quramda sóylesiw ótkerdi. Ámeliy birge islesiwdiń perspektivalı baǵdarları, bárinen burın, sawda-ekonomikalıq hám sanaat tarawlarında kooperaciyanı rawajlandırıw máseleleri kórip shıǵıldı.
Juwmaǵında Keń kólemli sheriklik qatnasıqların ornatıw haqqındaǵı birgeliktegi deklaraciyaǵa qol qoyıldı.
Prezidentler ómirlik joldasları menen eki mámleket kórkem óner sheberleriniń birgeliktegi koncertinde qatnastı.
Mámleketimiz basshısı ómirlik joldası menen “Ix Tenger” kompleksine bardı. Prezidentler hám birinshi xanımlar birgelikte terek ekti. Dástúriy “Naadam” oyınların tamashaladı.
Sapar ilajları juwmaqlanǵannan soń, Ózbekstan Prezidenti Tashkentke jónep ketti. Aeroportta joqarı mártebeli miymanlardı Mongoliya sırtqı isler ministri Batmunx Baceseg hám basqa da rásmiy shaxslar shıǵarıp saldı.

ÓzA