Bıyılǵı oqıw jılınıń juwmaqlanıwı aldınan Prezidentimizdiń basshılıǵında ótkerilgen mektep bilimlendiriwi sistemasındaǵı reformalardıń nátiyjeliligin jáne de arttırıw hám aldaǵı tiykarǵı wazıypalarǵa baǵıshlanǵan videoselektor májilisinde jazǵı dem alıs dáwirinde jaslardıń bos waqıtların mazmunlı shólkemlestiriw ushın teatr, mádeniyat orayları hám koncert zalları, sport maydanshaları, dem alıw ornı hám turizm obektleriniń imkaniyatlarınan tolıq paydalanıw zárúrligi atap ótilip, mekteplerde kúndizgi dem alıw orınları, sport, pán hám kásip-óner dógerekleriniń shólkemlestiriliwi belgilengen edi.

Búgin Beruniy rayonındaǵı 63-sanlı ulıwma orta bilim beriw mektebinde “Áhmiyetli 90 kúnlik” sheńberinde dógereklerde qatnasıp atırǵan oqıwshılar menen ilajlar shólkemlestirildi.
Ilajǵa rayonlıq Mektepke shekemgi hám mektep bilimlendiriwi bóliminiń baslıǵı A.Qurbaniyazov qatnasıp, balalarǵa jazǵı dem alıs kúnlerin mazmunlı ótkeriwde hám nátiyjeli shólkemlestiriwde usı dógereklerdiń áhmiyeti joqarı ekenligin atap ótti.
Ata-analardıń jumıs waqtında balalarınıń jazǵı dem alıs waqtın mazmunlı shólkemlestiriw maqsetinde alıp barılıp atırǵan bul jumıslar sheńberinde milliy ayaq oyını, jas aspaz, mental arifmetika, shaxmat, voleybol, futbol, jas xudojnikler hám jas kitapqumarlar dógeregine oqıwshılar qamtıp alındı.
“Áhmiyetli 90 kúnlik” ilajları nátiyjeli dawam etpekte.

Qaraqalpaqstan xabar agentligi