Qaraqalpaqstan Respublikası Mektepke shekemgi hám mektep bilimlendiriwi ministri G.Kojabaeva Franciyanıń Ózbekstandaǵı elshixanası wákili Serge Bellini menen ushırasıw ótkerdi.

Ushırasıw dawamında Qaraqalpaqstan Respublikasındaǵı ulıwma orta bilim beriw mekteplerinde francuz tilin engiziw hám rawajlandırıw máseleleri dodalandı.
Ótkerilgen ushırasıw barısında tárepler, birgelikte oqıw baǵdarlamaların islep shıǵıw, muǵallimlerdiń mamanlıǵın arttırıw hám tarawǵa zamanagóy metodikalardı engiziw baǵdarında bir qatar rejelerdi belgilep aldı.
Bunnan soń Serge Bellini Nókis qalasındaǵı 1-sanlı ulıwma bilim beriw mektebine barıp, francuz tiline qızıǵıwshı oqıwshılar ushın tańlaw pánleri tiykarında francuz tilin engiziw boyınsha óz usınısların berdi.
Respublikamızǵa saparı dawamında Serge Bellini Tórtkúl, Ellikqala hám Beruniy rayonlarındaǵı mekteplerde francuz tilinen sabaq berip atırǵan muǵallimler menen ushırasıw ótkeriwi rejelestirilgen.

Qaraqalpaqstan xabar agentligi