Oylap tabılǵan jańa túrdiń atı elimizdiń húrmetine baǵıshlanıp – – Elymus uzbekistanicus dep ataldı.

Ózbekstan, Qırǵızstan hám Qıtaydıń botanik ilimpazları menen birgelikte alıp barılǵan ilimiy izleniwler nátiyjesinde sobıqlılar (Poaceae) tuqımlasına kiriwshi suwlıq (Elymus) tuwısına kiriwshi hám burın ilim ushın belgisiz bolǵan pútkilley jańa ósimlik túri oylap tabıldı.
Bul jańa túrdiń atı elimizdiń húrmetine baǵıshlanıp – Elymus uzbekistanicus dep ataldı. Bul haqqında IA Málimleme xızmeti málim etpekte.
Bul áhmiyetli ilimiy jetiskenlik xloroplast hám yadrolıq DNK izbe-izlikleri analizleri, sonday-aq, dástúriy morfologiyalıq izertlew usılları tiykarında ámelge asırılǵan.
Ósimlik túriniń ilimiy sıpatlaması, identifikaciya gilti, joqarı sapalı súwretleri, geografiyalıq tarqalıwı hám ekologiyalıq ózgeshelikleri keń túrde sáwlelendirilip, xalıqaralıq botanika jámiyetshiligine usınılǵan.
Elymus uzbekistanicus bul sońǵı 57 jıl ishinde Poaceae tuqımlasınan Ózbekstan aymaǵında anıqlanǵan birinshi jańa túr esaplanadı.
Bul jańalıq elimizdegi biologiyalıq kóp túrliliktiń ele tolıq úyrenilmegen úlken potencialları bar ekenligin jáne bir márte tastıyıqlaydı.
Jańa túr Ózbekstan Milliy gerbariysi (TASh) kollekciyasında saqlanıp atırǵan úlgi tiykarında anıqlanǵan bolıp, bul gerbariy fondınıń mámlekette alıp barılıp atırǵan ilimiy izertlewlerde tutqan ornı hám áhmiyetin jáne de arttırdı.
Milliy gerbariy tek botanikalar ushın áhmiyetli dárek emes, al Ózbekstannıń tábiyǵıy baylıqları hám biologiyalıq miyrastıń tariyxıy gúwası bolıp esaplanadı.
Oylap tabılıwǵa baǵıshlanǵan ilimiy maqala dúnyanıń abıraylı botanika jurnallarınan biri esaplanǵan PhytoKeys basılımında basıp shıǵarıldı.

M.Eshmirzaeva, ÓzA