Tashkent qalasında ótkerilip atırǵan «WTT Youth Contender Tashkent-2025» xalıqaralıq tennis turnirinde túrli mámleketlerden kelgen jas tennisshiler óz sheberliklerin kórsetpekte.

Joqarı dárejede ótip atırǵan bul jarıstıń U17 jas kategoriyasında qızlar arasında ótkerilgen jeke bellesiwlerde saylandı komandamız aǵzası Arujan Kamalova altın medaldı qolǵa kirgizdi. Sonday-aq, jáne bir wákilimiz Adelina Hasanova usı jas kategoriyasında bronza medalın qolǵa kirgizdi. Turnirdiń gúmis hám bronza medalları Setayesh Iluxani (Iran) hám Naisha Revaskarǵa (Hindstan) nesip etti.

Er balalar arasında jeke gúreslerde Diyorbek Dilshodov bronza medalı menen sıylıqlandı. Bul kategoriyada iranlı Binyamin Faraji hám Arshiya Lorestani birinshi hám ekinshi orınlardı iyelegen bolsa, túrkmenstanlı Ilyas Allanazarov úshinshi orın boldı.

U13 jas kategoriyasında Hindstan saylandı komandası aǵzaları Daniya Godil, Tanishka Kalbxayrav minberdiń 1-2-tekshelerinen orın aldı. Bronza medalları bolsa watanlaslarımız Eleonora Shirieva hám Janiya Bekmuhambetovaǵa nesip etti.

Sonday-aq, Husan Iskandarov 13 jasqa shekemgi ul balalar arasında bronza medalın qolǵa kirgizdi. Bul baǵdarda Yusuf Hanifa (Saudiya Arabstanı) jeńimpaz boldı. Nasser Almarri (BAÁ) hám Muhammad Almusayebi (BAÁ) 2-3-orınlarda dizimge alındı.

Javohir Toshxwjaev, ÓzA