Xorezm hám Surxandárya wálayatları hám Qaraqalpaqstan Respublikasında insan sanasına kúshli tásir etetuǵın dári-dármaqlar sawdasınıń aldı alındı. Bul haqqında Bas prokuratura janındaǵı Ekonomikalıq jınayatlarǵa qarsı gúresiw departamenti xabar berdi.

Departamenttiń Yangiariq rayonı bólimi hám IIB xızmetkerleri menen birgelikte ótkerilgen operativ ilajda “B.-Ph. JShJ satıwshısı M.O. puqara R.M.ǵa kúshli tásir etetuǵın dári quralın shıpaker receptisiz satqan waqtında uslanıp, onnan 13 túrdegi dári quralları hám medicinalıq buyımlar ayǵaqlı dálil sıpatında alınǵan.

Usı sıyaqlı, Departamenttiń Sariosiyo rayonı bólimi hám IIB xızmetkerleri menen birgelikte ótkerilgen operativ ilajda puqara M.X. puqara X.Q.ǵa 250 dana kúshli tásir etetuǵın dári-dármandı 1 mln sumǵa satqan waqtında ayǵaqlı dáliller menen uslanǵan.

Departamenttiń Qiziriq rayonı bólimi hám IIB xızmetkerleri menen birgelikte ótkerilgen operativ ilajda puqara S.Sh. puqara M.X.ǵa shıpaker receptisiz kúshli tásir etetuǵın dári quralın 1,2 mln sumǵa satqan waqtında ayǵaqlı dáliller menen uslanǵan.

Departamenttiń Qanlıkól rayonı bólimi hám IIB xızmetkerleri menen birgelikte ótkerilgen operativ ilajda “Q.D.” JShJ dárixanası farmacevti Sh.A.nıń úyi kózden ótkerilgende 20 kapsula hám 7 ampulada psixotrop dáriler saqlap kiyatırǵanlıǵı anıqlanıp, bul dáriler ayǵaqlı dálil sıpatında alınǵan.

Bul jaǵdaylar boyınsha Jınayat kodeksiniń tiyisli statyaları menen jınayat isleri qozǵatılıp, tergew háreketleri alıp barılmaqta,- dem málimleme beredi xs.uz saytı.

Qaraqalpaqstan xabar agentligi