Májilis aldında mámleketimiz basshısı xalqımızdı 15-may – Xalıqaralıq shańaraq kúni menen qutlıqladı.

– Shańaraq – jámiyettiń tayanıshı, ruwxıylıq besigi hám áwladlar arasındaǵı izbe-izlik belgisi bolıp esaplanadı. Xalqımız ázelden shańaraqqa muqaddes qádiriyat, turaqlılıqtıń bekkem tiykarı sıpatında qarap keledi.
Haqıyqatında da, óz-ara húrmet, shúkirshilik bar shańaraqlarda bereket boladı. Bunday shańaraqlar qansha kóp bolsa, máhálle de tınısh hám abat boladı. Máhállesi tınısh rayonlar hám qalalarda, ulıwma, pútkil mámlekette rawajlanıw boladı.
Pursattan paydalanıp, elimizdegi hár bir shańaraqqa tınıshlıq, tatıwlıq hám abadanlıq tileymen. Miyrim-shápáát, sadıqlıq hesh bir shańaraqtı tárk etpesin, – dedi Prezident.

ÓzA