Italiyanıń Milan qalasında bolıp ótip atırǵan «Tutto Food 2025» xalıqaralıq kórgizbesinde Ózbekstannıń azıq-awqat sanaatı kárxanaları da belsene qatnaspaqta.

Sonıń ishinde, milliy pavilonımızda 15 eksportshı kárxana óz ónimleri menen qatnaspaqta. Olardan besewi xalıqaralıq kórgizbede birinshi márte óz stendleri menen qatnaspaqta.
Bul kórgizbe azıq-awqat ónimleri tarawındaǵı eń iri hám abıraylı ilajlardan biri bolıp, xalıqaralıq birge islesiwdi keńeytiw hám Evropa Awqamı mámleketlerine eksport potencialın arttırıwda úlken áhmiyetke iye.
Ózbekstan Sawda-sanaat palatası baspasóz xızmetiniń xabar beriwinshe, jergilikli kárxanalarımız óz ónimlerin «Made in Uzbekistan» milliy brendi astında kórsetpekte.
Kórgizbe sheńberinde jańa birge islesiw baylanısların jolǵa qoyıw, eksport kólemin keńeytiw boyınsha ushırasıwlar hám sóylesiwler alıp barılmaqta.
Rejege bola, mámleketimizdiń «Zuho Qamar» hám «Lord Fruits» JShJ kárxanaları Evropanıń iri importerları menen kelisimge qol qoyıwı kútilmekte.

B.XUDOYBERDIEV,
ÓzA