Oliy Majlis Nızamshılıq palatasınıń deputatı Ruslan Djumamuratov Nókis qalasındaǵı “Qutlı qonıs” hám “Botanika baǵı” mákan puqaralar jıyınında bolıp, máhálle jetiligi hám belsendileri menen ushırastı.

Ilajda deputat tárepinen elimizde nızamshılıq tarawında júz berip atırǵan ózgerisler hám jańalıqlar haqqında maǵlıwmatlar berildi.
Ushırasıw dawamında Parlament palataları Keńesleriniń “Toylar, shańaraqlıq saltanatlar, mereke hám máresimlerdiń ótkeriliwin tártipke salıw sistemasın bunnan bılay da jetilistiriw haqqında”ǵı qospa qararınıń orınlanıwın támiyinlew hám toy-mereke hám basqa da máresimlerdi artıqsha dábdebe hám ısırapgershiliksiz ótkeriw baǵdarında máhállelerde alıp barılıp atırǵan jumıslar dodalandı.
Sonday-aq, máhálle jetiligi tárepinen ámelge asırılıp atırǵan jumıslar, usınıslar tıńlanıp, deputat tárepinen qadaǵalawǵa alındı.
Ushırasıwdan soń, deputat puqaralardıń qıytaq jerlerinen paydalanıw procesi menen tanıstı.

Qaraqalpaqstan xabar agentlshigi