Xabarıńız bar, usı jıl 1-may sánesinen baslap fizikalıq tárepler jaǵınan jeke mútájligi ushın kommerciyalıq emes maqsetlerde respublikaǵa bajısız alıp kiriletuǵın tovarlardıń jańa normaları tastıyıqlandı.

Bul baǵdarda házirgi waqıtta orınlarda úgit-násiyatlaw hám túsindiriw ilajları ámelge asırılmaqta.
Oǵan bola, hawa transportında 1000 AQSh dolları, temir jol hám dárya transportında 500 AQSh dolları, avtomobil (piyada) ótkeriw punktleri arqalı 300 AQSh dolları, xalıqaralıq kurerlik jóneltpeleri arqalı 200 AQSh dolları, xalıqaralıq pochta jóneltpeleri arqalı 100 AQSh dolları ekvivalentindegi tovarlar muǵdar kórsetkishlerinen artpaǵan hám sapar dawamlılıǵınan kelip shıqqan halda bajısız alıp kiriliwi múmkin.
Bajıxana nızamshılıǵına kirgizilip atırǵan ózgerisler haqqında bajıxana shegaraları arqalı háreketlenip atırǵan puqaralar, aydawshılar hám keń jámiyetshilik wákillerin xabardar etiwge qaratılǵan úgit-násiyatlaw ilajları “Xojeli” shegara bajıxana postı hám oǵan tutas máhállelerde bolıp ótti.
Xalıqtıń huqıqıy mádeniyatın arttırıwǵa qaratılǵan úgit-násiyat ilajlarında puqaralar ózlerin qızıqtırǵan sorawlarǵa taraw xızmetkerlerinen juwap aldı.

Qaraqalpaqstan xabar agentligi.