«Qurılıs hám turaq jay kommunal xojalıǵı tarawında mámleketlik qadaǵalawdı nátiyjeli shólkemlestiriw ilajları haqqında»ǵı Prezident pármanı qabıl etildi, dep xabar beredi xs.uz.

Pármanǵa bola, tómendegiler qurılıs hám turaq jay kommunal xojalıǵı tarawında mámleketlik qadaǵalawdı jetilistiriwdiń tiykarǵı maqsetleri etip belgilendi:
– Qurılıs hám turaq jay kommunal xojalıǵı tarawında qadaǵalaw inspekciyasın (Inspekciya) erkin respublikalıq atqarıw hákimiyatı uyımı sıpatında qáliplestiriw;
– qurılıs, kóp kvartiralı jaylardı basqarıw hám ishimlik suwı támiynatı hám aqaba suwlardı shıǵarıp jiberiw tarawında qadaǵalaw funkciyaların tolıq sanlastırıw;
– jeke menshik sektor tárepinen ámelge asırılatuǵın qadaǵalaw sistemasınıń mexanizmlerin qáliplestiriw.
2025-jıl 1-maydan:
– isbilermen hám qurılıs hám turaq jay kommunal xojalıǵı tarawında qadaǵalaw aymaqlıq inspekciyaları arasında shártnama dúzilgen bolsa, isbilermenlerdiń qurılıs obektlerinde qısqa múddetli mámleketlik qurılıs qadaǵalaw ilajları shártnama shártleri sheńberinde ámelge asırıladı hám «Birden-bir mámleketlik qadaǵalaw» málimleme sistemasında dizimnen ótkerilmeydi;
– Inspekciyaǵa xojalıq júrgiziwshi subektlerdiń qarjılandırıw dáreklerine qaramastan qarjı-xojalıq jumısına aralasıw qatań qadaǵan etiledi.

Qaraqalpaqstan xabar agentligi