Bunnan aldınǵı xabarlarımızda Úrgenish qalasında futbol boyınsha Universiada jarısınıń respublikalıq basqıshı bolıp ótip atırǵanı haqqında málimleme bergen edik.

Óz toparında, Namangan, Ándijan hám Samarqand wálayatları komandaların artta qaldırıwǵa erisken, respublikamızdıń student-jasları yarım finalda maydan iyeleri esaplanǵan Xorezm wálayatı futbolshılarına 4:2 esabında jeńilip qaldı.
Jarıstıń úshinshi ornı ushın ótkerilgen bellesiwde bolsa, respublikamız komandası Sırdárya wálayatı komandasın penaltiler seriyasında jeńip shıǵıp, Universiada – 2025 jarısınıń qola medalı iyesine aylandı.
Final bellesiwinde bolsa, Xorezm Tashkent wálayatı komandasın 3:0 esabında jeńip shıǵıp, altın medaldı qolǵa kirgizdi.

Adilbay Orazov,
Qaraqalpaqstan xabar agentligi sholıwshısı