Jaqında «Ózbekneftgaz» akcionerlik jámiyeti delegaciyası Birlesken Arab Ámirlikleriniń Abu Dabi hám Dubay qalalarında xızmet saparı menen bolıp, bir qatar xalıqaralıq investorlar hám qarjı institutları menen sóylesiwler ótkerdi.

Sapar sheńberinde delegaciya xalıqaralıq bankler, institucional investorlar hám iri qarjı kompaniyaların wákilleri menen sóylesiwler alıp bardı.
Sóylesiwlerde BAÁniń jetekshi qarjı hám investiciya shólkemleri – “Abu Dhabi Investment Authority” (ADIA), “First Abu Dhabi Bank”, “Abu Dhabi Commercial Bank”, “Abu Dhabi Fund for Development” (ADFD), “Mashreq Capital”, “Market Securities”, “Arqaam”, “BHM Capital” hám “Brevan Howard” sıyaqlı abıraylı kompaniyaları qatnastı.
Ushırasıwlarda «Ózbekneftgaz» AJ tárepinen sońǵı jıllarda ámelge asırılǵan reformalar, iri investiciya joybarları, qarjılay turaqlılıqtı támiyinlewdegi nátiyjeler hám kompaniyanıń keleshektegi strategiyalıq rejeleri haqqındaǵı tolıq maǵlıwmat berildi.
Sonday-aq, tárepler tarawdaǵı áhmiyetli jańalıqlar, global energetika bazarındaǵı tendenciyalar, investiciya ortalıǵı hám perspektivalı birge islesiw baǵdarları boyınsha pikir alıstı.
Jámiyet málimleme sistemasınıń málim etiwinshe, bul sóylesiwler «Ózbekneftgaz» AJnıń xalıqaralıq qarjı bazarındaǵı statusın bekkemlew, tikkeley sırt el investiciyaların tartıw hám uzaq múddetli birge islesiwdi jolǵa qoyıwda úlken áhmiyetke iye.

N.Ziyodullaeva, ÓzA