Ózbekstan Respublikası Prezidentiniń pármanı

Usı jıldıń 14-fevral kúni ótkerilgen Ózbekstan Respublikası Prezidentiniń jaslar menen ashıq sóylesiӯinde belgilengen tiykarǵı ӯazıypalardıń orınlanıӯın támiyinleӯ, sonday-aq, jaslardıń baslamaların qollap-quӯatlaӯ,sapalı bilim alıӯı ushın imkaniyatlardı jáne de keńeytiӯ, ilimdi ǵalaba en jaydırıӯ maqsetinde qarar etemen:
1. Jaslar menen sóylesiӯde bildirgen usınıs hám baslamalar tiykarında , olardı ámelge asırıӯ maqsetinde islep shıǵılǵan Ózbekstan Respublikası Prezidentiniń jaslar menen 2025-jıldaǵı ashıq sóylesiӯinde belgilengen ӯazıypalardı ámelge asırıӯǵa baylanıslı ilajlar baǵdarlaması qosımshaǵa muӯapıq tastıyıqlansın.
2. Ministrler Kabineti Qaraqalpaqstan Respublikası Ministrler Keńesiniń Baslıǵı, ӯálayatlar hámTashkent qalasınıń hákimleri menen birgelikte eki ay múddette kreativ industriya parkin (keyingi orınlarda – kreativ park), aymaqlarda onıń fillialların hám olardıń kreativ taraӯ ӯákillerin oqıtatuǵın biznes mekteplerdiń jumısın shólkemlestiriӯ hám zárúr щarayat jaratıӯ ilajların kórsin.
Kreativ parktiń jumısın basqarıӯ Mádeniyat hám kórkem ónerdi raӯajlandırıӯ qorınıń juӯapkershiliginde juӯapkershiligi sheklengen jámiyet túrinde shólkemlestiriletuǵın Kreativ industriya parkleriniń direkciyası tárepinen ámelge asırıladı.
3. Ekonomika hám qarjı ministrligi, Salıq komiteti hám Mádeniyat hám kórkem ónerdi raӯajlandırıӯ qorınıń kreativ park rezidentlerine 2025-jıl 1-maydan baslap 2031-jıl 1-yanvarǵa shekemgi múddetke tómendegi salıq jeńilliklerin engiziӯ haqqındaǵı usınısı maqullansın:
a) sociallıq salıqtı hám fizikalıq táreplerden alınatuǵın dáramat salıǵın 50 procent azaytılǵan stavkada tóleӯ;
b) rezidentlerdi tovarlardı (jumıslardı,xızmetlerdi) realizaciyalaӯdan alınǵan dáramatı muǵdarınan qaramastan aylanıstan alınatuǵın salıq tóleӯshiler kategoriyasına kirgiziӯ. Onda rezidentler óz qálewine bola ulıӯma belgilengen salıq salıӯ tártibine ótiӯi múmkin.
Ekonomika hám qarjı ministrligi Salıq komiteti menen birgelikte bir ay múddette usı bántte názerde tutılǵan jeńilliklerdi qollanıӯ boyınsha nızam joybarın Ministrler Kabinetine kirgizsin.
Kreativ industriya subektlerin kreativ park rezidentlerine qabıl etiӯ hám tiyisli rezidentlerge usı bántte názerde tutılǵan jeńilliklerdi qollanıӯ shártleri nızamshılıq hújjetleri menen belgilenedi.
4. Shet tiller boyınsha keminde S1 dárejedegi milliy yamasa oǵan teńlestirilgen sáykes dárejedegi xalıqaralıq tán alınǵan sertifikatı alǵanına eki jıldan artpaǵan jaslarǵa alıs hám barıӯ qıyın bolǵan aymaqlarda shet tillerine qánigelesken oqıӯ orayların ashıӯ ushın Jaslar isleri agentligi janındaǵı Jaslar isbilermenligin raӯajlandırıӯ mámleketlik maqsetli qorı tárepinen altı aylıq jeńillikli dáӯir menen úsh jıl múddette bazalıq esaplaӯ muǵdarınıń 320 esesine shekemgi muǵdarda procentsiz ssuda beriliwi belgilensin.
Jaslar isleri agentligi úsh ay múddette usı bántte názerde tutılǵan ssudanı ajıratıӯ tártibin jáne alıs hám barıӯ qıyın bolǵan aymaqlardıń dizimin Ministrler Kabinetine kirgizsin.
5. 2025-jıldan baslap «El-yurt umidi» qorınıń jańa stipendiya baǵdarı sıpatında tómendegilerdi názerde tutatuǵın «Jarqın talant» joybarı engizilsin:
a) hár jılı talantlı, bilimli, biraq aӯır shańaraqlıq sharayatı sebepli oqıӯ imkaniyatına iye ibolmaǵan kámbaǵal shańaraqlardıń perzentlerin sırt elde oqıtıӯ maqsetinde hár bir máhálleden belsendi jaslardı tańlaӯ;
b) tańlap alınǵan jaslardıń talantın anıqlaӯ arqalı olardı potencialına sáykes sırt el joqarı oqıӯ orınlarına jiberiӯ ushın tayarlıq kurslarında oqıtıӯ;
v) tayarlıq kurslarınan tabıslı ótken jaslardı abıraylı xalıqaralıq reyting shólkemleriniń joqarı 100 lik dizimine kirgizilgen sırt el joqarı oqıӯ mákemelerinde bakalavriat tálim baǵdarı boyınsha belgilengen tártipte oqıӯǵa jiberiӯ, oqıӯ hám jasaӯ qárejetlerin qaplap beriӯ. Onda tayarlıq kurslarında oqıtıӯ qárejetleri «El-yurt umidi» qorına ajıratılatuǵın qarjılar esabınan qaplap beriledi.
Ekonomika hám qarjı ministrligi «El-yurt umidi» qorınıń tiyisli esap-sanaqlarına tiykarlanıp usı jılı « Jarqın talant» joybarı ushın 300 milliard sum ajıratsın, kelesi jıllardan usı maqsetler ushın qarjılardı byudjet parametrlerinde názerde tutsın.
6. Sonday tártip ornatılsın, oǵan muӯapıq:
a) «El-yurt umidi» qorı arqalı sırt mámleketlerde bilim alıp qaytqan stipendiatlar milliy kadrlardıń rezervine tikkeley kirgiziledi hám olar mámleketlik uyımlar, shólkemler hám mákemelerde tańlaӯsız jumısqa alınadı;
b) 2025-jıl 1-iyulden baslap:
i) abıraylı xalıqaralıq reyting shólkemleriniń joqarı 100 lik dizimine kirgizilgen sırt el joqarı bilimlendiriӯ shólkemlerinde ilimiy dáreje (PhD hám oǵan teńlestirilgen basqa ilimiy dáreje)alǵan 35 jasqa shekemgi qánigelerge turaq jay satıp alıӯ ushın turaq jay jaylasqan aymaqtan kelip shıǵıp, on jıl múddetke bazalıq esaplaӯ muǵdarınıń 2150 esesine shekemgi muǵdarda procentsiz ssuda ajıratıladı;
ii) abıraylı xalıqaralıq pán olimpiadaları jeńimpazlarına tólenetuǵın bir mártelik aqshalay sıylıqlardıń ámeldegi muǵdarları 5 esege shekem arttırıladı.
Joqarı bilimlendiriӯ, ilim hám innovaciyalar ministrligi «El-yurt umidi» qorı, Jaslar isleri agentligi, Ekonomika hám qarjı ministrligi menen birgelikte eki ay múddette usı bánttiń tórtinshi abzacında názerde tutılǵan procentsiz ssudanı ajıratıӯ tártibin islep shıǵıp, Ministrler Kabinetine kirgizsin. Onda procentsiz ssudanı ajıratıӯ boyınsha arzalardı qabıl etiӯ hám kórip shıǵıӯ Birden-bir interaktiv mámleketlik xızmetler portalı arqalı ámelge asırıladı.
7. 2025-2026- oqıӯ jılınan baslap:
a) Ózbekstan Respublikası joqarı áskeriy bilimlendiriӯ mákemeleriniń úlgili kursantları (studentleri)hám tıńlaӯshıları ushın «Joqarı bas sárkarda» mámleketlik stipenliyası engizilsin.
Qorǵanıӯ ministrligi qaramaǵında joqarı áskeriy bilimlendiriӯ mákemeleri bolǵan ministrlik hám uyımlar menen birgelikte eki ay múddette «Joqarı bas sárkarda» mámleketlik stipendiyasın tayınlaӯ tártibin islep shıǵıp, Ministrler Kabinetine kirgizsin;
b) oqıӯshılar arasında injenerlik-oylap tabıӯshılıq baǵdarında olimpiadalar ótkeriӯ jolǵa qoyıladı hám jeńimpaz pitkeriӯshi jaslar mámleketlik joqarı bilimlendiriӯ mákemeleriniń olimpiada baǵdarına sáykes hám túrles bilimlendiriӯ baǵdarlarına imtixanlarsız qosımsha mámleketlik grant tiykarında oqıӯǵa qabıl etiledi.
Mektepke shekemgi hám mektep bilimlendiriӯi ministrligi Joqarı bilimlendiriӯ, ilim hám innovaciyalar ministrligi menen birgelikte eki ay múddette usı olimpiadanı shólkemlestiriӯ hám onıń jeńimpazları qosımsha mámleketlik grant tiykarında oqıӯǵa qabıl etiletuǵın joqarı bilimlendiriӯ baǵdarlarınıń dizimin názerde tutatuǵın tiyisli normativlik-huqıqıy hújjet joybarın Ministrler Kabinetine kirgizsin.
8. a) Jaslar isleri agentligi tárepinen Jaslarǵa baylanıslı mámleketlik siyasattı qollap-quӯatlaӯ qorına ajıratılǵan qarjılar sheńberinde jaslardı ilimge qızıqtıratuǵın, tárbiyalıq áhmiyetke iye hám ulıӯmamilliy qádiriyatlardı qáliplestiriӯshi milliy mediakontentler jaratıӯ hám eń jaqsı intellektuallıq shoulardı shólkemlestiriӯ ushın 100 million sumǵa shekem grantlar ajıratılatuǵını;
b) jaslarda tábiyatqa muhabbat sezimin oyatatuǵın, qorshaǵan ortalıqtı qorǵaӯǵa qaratılǵan joybarlardı qollap-quӯatlaӯ ushın Jaslar isleri agentligi janında yuridikalıq tárep statusına iye bolmaǵan «Jasıl baslamalar»dı qollap-quӯatlaӯ qorı shólkemlestiriletuǵını. Onda «Jasıl baslamalar»dı qollap-quӯatlaӯ qorı tómendegi dárekler esabınan 10 milliard sumǵa shekemgi muǵdarda qáliplestiriletuǵını belgilensin:
i) Jaslar isleri agentliginiń Jaslarǵa baylanıslı mámleketlik siyasattı qollap-quӯatlaӯ qorı;
ii) xalıqaralıq qarjı institutları, sırt el húkimetiniń qarjı shólkemleri, sırt el bankleri hám basqa xalıqaralıq qarjı shólkemleriniń grant qarjıları;
iii) fizikalıq hám yuridikalıq táreplerdiń,sonıń ishinde, Ózbekstan Respublikası rezident emesleriniń qáӯenderlik qayırqomlıqları;
iv) nızamshılıq hújjetleri menen qadaǵan etilmegen basqa da dárekler.
9. Jaslar isleri agentligi hám onıń aymaqlıq bólimleri balansındaǵı imarat hám komplekslerdi olarda jaslardı sport, ilim, shet tilleri hám kásiplerge oqıtatuǵını, kreativ joybarlardı ámelge asırıӯ hám basqa xızmetlerdi kórsetiӯ ushın ijaraǵa beriӯden túsetuǵın qarjılar tiyisli imarat hám obekttiń balansta saqlaӯshısına tolıq muǵdarda (buǵan aukcion qárejetleri kirmeydi) ótkeriletuǵını hám onıń jumısın raӯajlandırıӯ maqsetlerine baǵdarlanatuǵını belgilensin.
10. Málimleme hám ǵalaba kommunikaciyalar agentligi Jaslar isleri agentligi menen birgelikte bir ay múddette ilim hám bilimlendiriӯ baǵdarındaǵı paydalı milliy internet resurslarınıń reestrin qáliplestirsin, Sanlı texnologiyalar ministrligi olardan biypul internet tarmaǵı arqalı paydalanıӯdı jolǵa qoysın.
11. Tashkent qalası hákimligi 2025-jıl 1-oktyabrge shekem jergilikli byudjettiń qosımsha dárekleri esabınan Tashkent qalasında Robototexnika orayın qurıӯ hám zárúr úskeneler menen támiyinleӯ boyınshщa tiyisli ilajlardı ámelge asırsın.
12. Mádeniyat ministrligi Tashkent qalası hákimligi menen birgelikte úsh ay múddette Jaslar eksperimental teatr studiyasın shólkemlestiriӯ hám onı zárúr úskeneler menen támiyinleӯ ilajların kórsin.
13. Samarqand ӯálayatı hákimligi Sırtqı isler ministrligi, Qorǵanıӯ ministrligi, Sanlı texnologiyalar ministrligi hám Jaslar isleri agentligi menen birgelikte 2026-jılı Samarqand qalasında xalıqaralıq «Texnofest» festivalı sheńberindegi «Take Off» startap sammitin joqarı dárejede shólkemlestiriӯ ilajların kórsin.
14. Usı pármannıń orınlanıӯı boyınsha juӯapker shólkemlerdiń jumısın muӯapıqlastırıӯ hám qadaǵalaӯ Ózbekstan Respublikası Bas ministri A.N.Aripovqa júklensin.

Ózbekstan Respublikası
Prezidenti Sh.MIRZIYoEV
Toshkent qalası,
2025-jıl 26-mart