Qazaqstannıń Almata qalasında «Ózbekneftgaz» AJ hám «KazMunaygaz» AJ arasında neft-gaz tarawında birge islesiw haqqındaǵı kelisimge qol qoyıldı.

Hújjet eki mámleket kompaniyaları arasında uzaq múddetli sheriklikti rawajlandırıwǵa xızmet etedi. Onda ekspertler qarım-qatnasın jolǵa qoyıw, tájiriybe almasıw hám strategiyalıq baslamalardı birgelikte islep shıǵıw názerde tutılǵan.
Kelisim sheńberinde joybarlar geografiyasın keńeytiw, resurs bazasınan nátiyjeli paydalanıw hám óndiris hám transport infrastrukturasınan paydalanıw imkaniyatların arttırıw rejelestirilgen.
Ekspertler kompetenciyasın birlestiriw arqalı ámeliy sheshimler hám baslamalar islep shıǵıladı. Bul bolsa hár eki táreptiń turaqlı rawajlanıwına úles qosadı.
Jámiyettiń málimleme xızmetiniń málim etiwinshe, bul qádem Ózbekstan hám Qazaqstan arasındaǵı isenimli birge islesiwdi jáne de bekkemlep, Oraylıq Aziyada energetika tarawındaǵı sheriklikti keńeytiwge túrtki beredi.

N.Ziyodullaeva, ÓzA