Ózbekstan Respublikası Ministrler Kabineti «Qural haqqındaǵı nızamshılıq jetilistiriliwi múnásibeti menen Ministrler Kabinetiniń «Dizimge alınbaǵan oqatar qural hám onıń oq-dárilerin tapsırǵanı ushın sıylıqlaw tártibi haqqındaǵı rejeni tastıyıqlaw haqqında»ǵı 2023-jıl 25-iyuldegi 310-sanlı qararına ózgerisler hám qosımshalar kirgiziw haqqında» qarar qabılladı.

Oǵan muwapıq, Ministrler Kabinetiniń «Dizimge alınbaǵan oqatar qural hám onıń oq-dárilerin, jarılıwshı materiallar hám jarılıw qurılmaların ishki isler uyımlarına óz erki menen tapsırıw hám oqatar qural hám onıń oq-dárilerin tapsırǵanı ushın sıylıqlaw tártibi haqqındaǵı rejeni tastıyıqlaw haqqında» 2023-jıl 25-iyuldegi 310-sanlı qararına:
oqatar bolmaǵan (pnevmatikalıq, signal beriwshi, ótkir suwıq, ılaqtırıw hám ózin-ózi qorǵaw) qural túrlerine baylanıslı túsiniklerdi kirgiziw;
ishki isler uyımları tárepinen qabıl etilgen oqatar qural hám onıń patronların kriminalistlik hám oraylasqan málimleme-izlew sistemaları arqalı úyreniw hám dáslepki tekseriwlerdi shólkemlestiriw mexanizmin oqatar bolmaǵan qural túrlerine qollanıw;
oqatar bolmaǵan qural túrlerin óz erki menen tapsırǵanı ushın aqshalay sıylıq penen sıylıqlaw ámeliyatın engiziwdi názerde tutıwshı ózgerisler hám qosımshalar kirgiziledi.

ÓzA