Ózbekstan «Adolat» SDP Qaraqalpaqstan Respublikası Keńesi tárepinen hayal-qızlarǵa zorlıq hám hár qıylı basım ótkeriwlerge qarsı gúresiw boyınsha respublikamızdaǵı joqarı oqıw orınlarında ilajlar alıp barılmaqta.

Usınday ilajlardıń biri Qaraqalpaqstan awıl xojalıǵı hám agrotexnologiyalar institutında bolıp ótti. Dógerek sáwbetinde «Adolat» SPD Qaraqalpaqstan Respublikası Keńesi baslıǵınıń orınbasarı Sh.Toreshova, institut psixologi G.Jumamuratova hám inspektor T.Qıyasbaevlar qatnasıp, olar óz sózlerinde hayal-qızlardıń huqıqların qorǵaw boyınsha mámleketimizde bir neshe huqıqıy hújjetler qabıl etilgenin hám bul boyınsha nızam sheńberinde jumıslar alıp barılıp atırǵanlıǵın atap ótti. Degen menen, jámiyetimizde hayal-qızlarǵa zorlıq hám hár qıylı basım bolatuǵın jaǵdaylar ushırasıp atırǵanlıǵı, bunday nızamsız islerge qarsı gúresiw hár birimizdiń wazıypamız ekenligi sóz etildi.
Ilajda studetler tárepinen qánigelerge sorawlar berilip, tiyisli juwap aldı.

Qaraqalpaqstan xabar agentligi