Ózbekstan Respublikası Prezidenti Shavkat Mirziyoevtiń mirát etiwine bola, Pakistan Islam Respublikası Bas ministri Shahboz Sharif 25-26-fevral kúnleri rásmiy sapar menen elimizde boladı.
Bolajaq joqarı dárejedegi sóylesiwler kún tártibinen Ózbekstan-Pakistan strategiyalıq sheriklik hám kóp táreplemeli birge islesiw baylanısların jáne de rawajlandırıw hám keńeytiw máseleleri orın alǵan.
Óz-ara tovar almasıw kólemin arttırıw, transport baylanıslıǵın kúsheytiw hám tranzit potencialın júzege shıǵarıw, jeńil hám bılǵarı sanaatı, awıl xojalıǵı, farmacevtika, elektrotexnika hám ekonomikanıń basqa tarmaqlarında kooperaciya joybarların alǵa qoyıw boyınsha birgeliktegi rejeler dıqqat orayında boladı.
Mádeniy-gumanitarlıq hám turizm qatnasıqların jedellestiriw máseleleri de kórip shıǵıladı. Xalıqaralıq hám regionallıq áhmiyetke iye tiykarǵı máseleler boyınsha pikir alısadı.
Sammit juwmaǵında Birgeliktegi deklaraciya hám bir qatar eki tárepleme hújjetler qabıl etiliwi rejelestirilgen.
Sapardıń isbilermenlik baǵdarlaması boyınsha jetekshiler Ózbekstan- Pakistan birgeliktegi biznes forumında da qatnasadı.

ÓzA