Ózbekstan Respublikası Mektepke shekemgi hám mektep bilimlendiriwi ministrliginiń 2025-jıl 31-yanvardaǵı arnawlı buyrıǵına tiykarlanıp, ulıwma orta bilim beriw mektepleriniń baslawısh klass pán muǵallimleri ushın “Kásiplik rawajlanıw kúni” hám “Kásiplik rawajlanıw saatı” ilajların shólkemlestiriw rejelestirilgen.

Usı reje tiykarında, Shomanay rayonı Mektepke shekemgi hám mektep bilimlendiriwi bólimine qaraslı 33-sanlı tayanısh mektebinde baslawısh klass pánlerinen dáslepki “Kásiplik rawajlanıw kúni” ilajı bolıp ótti.
Ilajǵa Qaraqalpaqstan Respublikası Pedagogikalıq sheberlik orayınıń metodisti S.Turdımuratov hám rayondaǵı ulıwma orta bilim beriw mektebiniń baslawısh klass páni jetekshi muǵallimleri qatnastı.
Rayondaǵı 33-sanlı mektep baslawısh klass páni baǵdarı boyınsha tayarlaw mektebi etip belgilendi hám oǵan bólimge qaraslı jámi 32 mektepten biriktirilgen 32 baslawısh klasslardıń jetekshi-muǵallimleri qamtıp alındı.
Bul ilaj baslawısh klass muǵallimleriniń kásiplik sheberligin arttırıw, jańa pedagogikalıq texnologiyalar menen tanıstırıw hám olardıń óz-ara tájiriybe almasıwın támiyinlewge qaratılǵan bolıp, bul ilajlardı ótkeriwden maqset -muǵallimlerdiń pedagogikalıq sheberligin arttırıw, olarǵa metodikalıq járdem kórsetiw bolıp esaplanadı. “Kásiplik rawajlanıw kúni” ilajları baslawısh klass muǵallimleriniń kásiplik sheberligin arttırıwda áhmiyetli rol atqaradı.
Bunday ilajlar orınlarda dawam etpekte.

Qaraqalpaqstan xabar agentligi.