Ózbekstan Respublikası Prezidenti Shavkat Mirziyoev Kuveyt Mámleketi Amiri Shayx Mishyal as-Sabohtiń mirát etiwine bola 17-18-fevral kúnleri rásmiy sapar menen usı mámlekette boladı.

Sapar baǵdarlamasına muwapıq, Al-Kuveyt qalasında joqarı dárejede eki tárepleme sóylesiwler hám usı mámleket húkimet aǵzaları, jetekshi kompaniyaları hám bank-qarjı sistemaları basshıları menen ushırasıw bolıp ótedi.
Bolatuǵın sammit kún tártibinen Ózbekstan-Kuveyt doslıq hám kóp táreplemeli birge islesiw baylanısların jáne de rawajlandırıw hám bekkemlew, sawda, innovaciyalar, investiciya hám qarjı, «jasıl» energetika, sanaat kooperaciyası, awıl xojalıǵı, transport hám logistika, infrastruktura, qala qurılısı, densawlıqtı saqlaw hám basqa tiykarǵı baǵdarlarda birge islesiwdi keńeytiw máseleleri orın alıwı názerde tutılǵan.
Mádeniy-gumanitarlıq hám turizm almasıwın keńeytiw máseleleri de dıqqat orayında boladı. Bunnan tısqarı, Ózbekstan hám Kuveyt jetekshileri xalıqaralıq siyasat hám regionallıq birge islesiwdiń áhmiyetli táreplerin kórip shıǵadı.
Sóylesiwler juwmaǵında bir qatar birgeliktegi hújjetler hám kelisimler qabıl etiliwi kútilmekte.

ÓzA