Ámiwdárya rayonı hákimligi málimleme xızmeti bóliminiń xabarına bola, rayonlıq Ishki isler bóliminiń májilisler zalında Jınayat isleri boyınsha Ámiwdárya rayonlıq sudınıń tergew sudyası D.Yusupovanıń basshılıǵında májilis bolıp ótti.
Rayonlıq IIM baslıǵınıń orınbasarı Sh.Joldasbaev hám rayonlıq IIM profilaktika inspektorlarınıń qatnasıwında ótkerilgen májiliste D.Yusupova Ózbekstan Respublikası Prezidentiniń shaxslardıń huqıqları menen erkinliklerin isenimli qorǵaw baǵdarında qabıl etilgen pármanınıń mazmun-mánisi boyınsha túsinikler berildi.
Sonday-aq, májilis dawamında tergew sudyası «Ózbekstan-2030» strategiyasında sudlardıń nátiyjeliligin arttırıw boyınsha belgilengen ilajlarǵa toqtap ótildi.
Soń rayonlıq IIM imaratında gergew sudyası tárepinen kóshpeli sud shólkemlestirildi. Kóshpeli sud májilisinde IIM tárepinen berilgen jámi 20 is materialı kórip shıǵıldı.
Qaraqalpaqstan xabar agentligi