Qıtaydıń Xarbin qalasında qısqı Aziya oyınları – 2025 jarısları dawam etpekte.

Xarbin-2025 qısqı Aziya oyınları sheńberinde Aziya Olimpiada keńesi vice-prezidenti, Ózbekstan MOK baslıǵınıń birinshi orınbasarı Otabek Umarov hám Milliy Paralimpiada komiteti baslıǵınıń hám Ózbekstan Respublikası Prezidenti janındaǵı Sociallıq qorǵaw milliy agentligi direktorınıń birinshi orınbasarı Shahnoza Mirziyoeva Qıtay Xalıq Respublikası Baslıǵı Si Czinpin hám onıń ómirlik joldası menen ushırastı. Bul haqqında olamsport.com xabar bermekte.
Qızǵın sóylesiwde tárepler Ózbekstan hám Qıtay arasındaǵı doslıq baylanısları barǵan sayın bekkemlenip atırǵanınan qanaatlanatuǵının atap ótti. Sonday-aq, Qıtay jetekshisi delegaciyamız basshıların Xarbinde kórgeninen quwanıshlı ekenin bildirip, bolajaq oyınlarda ózbekstanlı sportshılarǵa áwmet tiledi.

Qaraqalpaqstan xabar agentligi