«Ózbekstan-2030» strategiyasın «Qorshaǵan ortalıqtı qorǵaw hám «jasıl ekonomika» jılında ámelge asırıwǵa baylanıslı mámleketlik baǵdarlama haqqında»ǵı Prezident Pármanı qabıl etildi. Bul haqqında Ádillik ministrliginiń «Huqıqıy málimleme» Telegram kanalında xabar berildi.

Pármanǵa bola, «Qorshaǵan ortalıqtı qorǵaw hám «jasıl ekonomika» jılında mámleket rawajlanıwınıń tiykarǵı baǵdarları etip tómendegiler belgilendi, sonıń ishinde:
– máhállelerdiń ekologiyalıq kelbetin jaqsılaw, kóshelerde jasıllıq dárejesin arttırıw, ekologiyalıq jaqtan qolaylı hám abadan jasaw ortalıǵın qáliplestiriw;
-xalıqtıń salamatlıǵın jaqsılaw, ekologiyalıq turmıs tárizin qáliplestiriw hám insan potencialın júzege shıǵarıw ushın sharayatlardı jaratıw;
-tábiyǵıy resurslardı únemlew hám olardan aqılǵa uǵras paydalanıw, ekologiyalıq turaqlılıqtı támiyinlew;
-ósimlik hám haywanat dúnyasın qorǵaw, kóbeytiw hám keyingi áwladqa jetkeriw hám biologiyalıq hár túrlilikti saqlaw;
-«jasıl ekonomika» principlerin keńnen engiziw, ekonomikanı klimat ózgeriwine beyimlestiriwge qaratılǵan joybarlardı turaqlı qarjılandırıw;
-respublika energobalansında qayta tikleniwshi energiyanıń úlesin arttırıw, sonıń ishinde, mámleketlik-jeke menshik sheriklik tiykarında iri «jasıl energiya» stanciyaların qurıw, aymaqlarda kishi hám mikro gidroelektr stanciyaları tarmaǵın keńeytiw, xalıqtıń shańaraqlarında quyash panellerin ornatıwdı xoshametlew,-dep málimleme beredi xs.uz saytında.

Qaraqalpaqstan xabar agentligi