Sońǵı segiz jılda 125 jańa joqarı bilimlendiriw mákemesi shólkemlestirildi. Sonnan 23i sırt el universitetiniń filialları.
Bul haqqında Prezident Shavkat Mirziyoevtiń basshılıǵında ótkerilgen videoselektor májilisinde málim etildi.

Biraq, ótken jılı joqarı bilimlendiriwde eksport tek ǵana 26 million dollardı quraǵanı imkaniyatlarǵa pútkilley sáykes kelmesligi kórsetip ótildi.
Joqarı bilimlendiriw ministrligine «Top-1000»lıqqa kirgen 2 joqarı oqıw ornı menen sheklenip qalmastan, jaqın jıllarda olardı 10 ǵa jetkeriw ilajların kóriw tapsırıldı.
Ótken jılı 15 mádeniyat orayı jeke menshik sektorǵa berildi. Isbilermenler 86 milliard sum investiciya kirgizip, 1,5 mıńnan aslam mádeniy ilaj shólkemlestirdi.
Ministrlik sistemasındaǵı jáne 120 mádeniyat hám kórkem óner orayı bos tur. Usı múnásibet penen mádeniyat ministrine oraylardı aldıńǵı sırt el tájiriybesi tiykarında jeke menshik sektorǵa beriwdi shólkemlestiriw tapsırıldı.
Májiliste aymaq basshıları hám ministrlerdiń esabatı tıńlandı, isbilermenlerdiń úlgili tájiriybesi kórip shıǵıldı.

ÓzA