Tek ǵana texnikalıq xızmet kórsetiw menen sheklenbey, buxgalteriyalıq konsalting, qamsızlandırıw, yuridikalıq hám basqa da professional xızmetlerdiń eksportın jolǵa qoyıw zárúrligi atap ótildi.

Juwapkerlerge sırt ellerdiń xızmetler importın hám talapların tallap, oqıw baǵdarlamaların soǵan sáykeslendiriw hám tiyisli qánigeliklerdi tayarlaw tapsırıldı.
Bıyıl kreativ ekonomikadaǵı startap joybarlar ushın 50 million dollar ajıratıldı.
Mısalı, «Amazon»da islep, Nókiske qaytıp kelgen Beknazar Abdikamalov startap joybarına «Facebook»tan 3 million dollar tartqanı ushın búgingi kúnde aktivleri 15 million dollarǵa bahalanbaqta.
Házir dúnyanıń iri IT kompaniyalarında islep atırǵan usınday júzlegen jaslarımız bar. Sanlı texnologiyalar ministrligine eń dáslep, usınday jaslar menen birgelikte startap joybarlardı ámelge asırıw zárúrligi kórsetip ótildi.
Ulıwma, 2025-jılı IT xızmetleriniń kólemin 30 procentke keńeytip, 80 trillion sumnan, eksportın 1 milliard dollardan arttırıw zárúrligi atap ótildi.

Qaraqalpaqstan xabar agentligi