Prezident Shavkat Mirziyoevtiń basshılıǵında videoselektor májilisi dawam etpekte.

Eki jıl aldın sawda hám xızmetler tarawındaǵı kárxanalarǵa sociallıq salıq 1 procent etip belgilendi. Ótken dáwirde kárxanalardıń sanı 1,5 esege artıp, olardaǵı jumısshılar 220 mıńǵa kóbeydi.
Áhmiyetlisi, kóp kárxanalar «saya»dan shıǵıp, aylıqtı durıs kórsetiwge ótkeni esabınan miynet haqısı 3,2 esege kóbeyip, qosımsha 2,1 trillion sum salıq tústi.
Sonlıqtan kóp isbilermenler jeńillikli múddetin jáne úsh jılǵa sozıwdı soramaqta. Bul usınıs maqullanıp, endigiden bılay jeńillik servis kárxanalarınıń keminde 3 million sum aylıq alatuǵın 30 jasqa shekemgi jumısshılarına qollanılıwı belgilendi.
Hám kerisinshe, jasırın jumıs júrgizip, «konvertte» aylıq tólep atırǵan isbilermenlerdi qadaǵalaw kúsheytiledi.
Qurılıs, sawda hám ulıwma awqatlanıw kárxanalarına jumısshılar menen qısqa múddetli, ápiwayılasqan (kún kesiminde, jumıs kesiminde) miynet shártnamasın dúziwge ruxsat beriledi.

ÓzA