Prezident Shavkat Mirziyoevtiń basshılıǵında videoselektor májilisi dawam etpekte.

Hámme aymaqlarda da xızmetler birdey rawajlanbay atırǵanı atap ótildi. Mısal ushın Nókis rayonında ótken jılı 363 milliard sumlıq xızmetler kórsetilip, 22 procentke ósken. Biraq xalqı onnan 2 ese kóp bolǵan Gúlistan rayonında xızmetlerdiń kólemi Nókis rayonınan 30 milliard sumǵa az.
Yamasa, Namangan qalasında jan basına tuwra keletuǵın xızmetler 13 million sumǵa da jetpewi (Jizzaq qalasında – 33 million sum) ele de «qupiya ekonomika» joqarı ekenliginen dárek beredi.
Nishon, Yangiqwrǵon, Narpayda IT xızmetleri bir talay arqada ekenligi, Samarqand hám Yangier qalası, Mirzaabad, Mirzashólde qarjılay xızmetlerdiń kólemi azayǵanı, Qarshi qalası, Jomboy, Urgut, Úrgench, Uchtepa rayonlarında sawda óspey atırǵanı, Ferǵananıń 7 rayonında medicinalıq xızmetlerdiń kólemi qısqarǵanı sınǵa alındı.
Hámme ministr hám hákimler jańa xızmet túrlerin kóbeytiw boyınsha hár kúni izleniwde bolıwı kerek ekenligi kórsetip ótildi.
Bıyıl xızmetlerdiń kólemin 15 procentke arttırıp, 82 milliard dollarǵa , eksportın bolsa 8,5 milliard dollarǵa alıp shıǵıw, tarawda 2,5 million adamdı dáramatlı etiw boyınsha úlken shek alınǵan.

ÓzA