Bul haqqında Prezident Shavkat Mirziyoevtiń basshılıǵında ótkerilip atırǵan videoselektor májilisinde málim etildi.
Biraq, ishimlik suwı, kanalizaciya hám jol qurılısında bunday joybarlar derlik joq ekenligi kórsetip ótildi. Sharayat jaratıp berilse, 1 millard dollar investiciya kirgizip, 10 mıń jumıs ornın isleymen, degen jergilikli isbilermenler oǵada kóp.
Úsh jıl aldın 5 mıń kvadrat metrden aslam sawda hám servis obyektlerin qurıw boyınsha jeńillik berilgen. Ótken dáwirde 209 usınday obyektler qurıldı. Biraq, Buxara, Jizzaq, Qashqadárya hám Nawayı wálayatlarında bul boyınsha jumıslar qanaatlanarsız.
Sońǵı tórt jılda sharwashılıqtı rawajlandırıw ushın xalıqaralıq qarjı institutlarınan 700 million dollar alıp kelindi, bıyıl jáne 350 million dollar tartıldı. Bunıń esabınan keminde 20 mıńnan aslam veterinarǵa talap payda boladı. Tekǵana Buxarada 250 veterinarǵa talap bar.
Jıl aqırına shekem jeke menshik veterinariya hám para-veterinariya xızmeti kólemin 5 esege arttırıw tapsırıldı.

ÓzA