Mámleketimizde investiciyalıq siyasattı túp-tiykarınan jetilistiriw hám ámelge asırıw baǵdarında zamanagóy, oǵan sapalı qatnas hám mexanizmlerdi engiziw, sonday-aq investiciya procesin jedellestiriw, ulıwma isbilermenlik sharayatın jaqsılaw boyınsha úzliksiz ilajlar ámelge asırılmaqta.

Bul ilajlar ekonomika tarmaqların, sociallıq hám óndirislik infrastrukturanı jedel rauajlandırıw hám modernizaciyalawǵa xızmet etpekte. Investiciya ortalıǵı jaqsılanǵanı, kerekli sharayatlar jaratılǵanı nátiyjesinde 2024-jıldıӊ yanvar-dekabr aylarınıń juwmaǵı menen respublikamızdıӊ tiykarǵı kapitalın kóbeytiwge 20 trillion 530,9 mlrd. sumnan aslam investiciya kirgizilip, sonnan sırt el investiciyaları hám kreditleri 14 trillion 362,8 mlrd. sumdı yamasa 1146,5 mln. AQSh dolların quradı.
Qaraqalpaqstan Respublikasına tiykarǵı kapitalǵa kirgizilgen investiciyalardıń 2280,6 mlrd. sumı «qayta islew sanaatına», 693,4 mlrd. sumı «awıl, toǵay hám balıq xojalıǵına », 1461,8 mlrd. sumı «tasıw hám saqlaw», 919,0 mlrd. sumı «qurılıs xızmet túrine», 9662,2 mlrd. sumı «taw-kán sanaatı hám ashıq kánlerde islewge», 175,8 mlrd. sumı «kótere hám usaqlap satıwǵa», 352,8 mlrd. sumı «bilimlendiriw» xızmet túrlerine jumsalǵan.
2024-jıldıӊ yanvar-dekabr aylarında ulıwma maydanı 864,9 mıӊ kv.m. bolǵan 4684 turaq jay pitkerip tapsırılıp, sonnan 446,4 mıń kv.m. bolǵan 2380 turaq jaylar awıllıq jerlerge tuwra keledi.
Mámleketimizde xalıqtıӊ turmıs dárejesin jaqsılaw, óndiristi texnikalıq xám texnologiyalıq qayta úskenelew, strategiyalıq áhmiyetke iye bolǵan tikkeley sırt el investiciyaların ózlestiriw hám resurslardan durıs paydalanıw baǵdarındaǵı aktiv investiciya siyasatın alıp barıw ilajları dawam etpekte.

Salamat Muxamatdinov,
Qaraqalpaqstan Respublikası statistika basqarması
Investiciya hám qurılıs statistikası bóliminiń baslıǵı.
Qaraqalpaqstan xabar agentligi.