Oraylıq bankte kommerciyalıq banklerdiń qáwip-qáterlerin tallaw hám basqarıwǵa juwapker qánigeleriniń qatnasıwında Ózbekstan qarjı sisteması turaqlılıǵına tásir etiwi múmkin bolǵan sistemalı qáwip-qáterler temasında dógerek sáwbeti bolıp ótti.

Ushırasıwda Oraylıq bank tárepinen mámlekettiń qarjı sistemasınıń turaqlılıǵı ushın ishki hám sırtqı qáwip-qáterler boyınsha prezentaciya ótkerildi. Onda Oraylıq bank hám kommerciyalıq banklerdiń wákilleri arasında qarjı sistemasındaǵı ázzilikler hám qáwip-qáterler, mámlekettiń qarjılay turaqlılıǵın támiyinlew boyınsha qollanılıp atırǵan makroprudencial siyasat ilajlarındaǵı sońǵı ózgerisler boyınsha pikir alıstı.
Dógerek sáwbetinde Oraylıq bank tárepinen kommerciyalıq bankler arasında turaqlı ótkerilip atırǵan sistemalı qáwip-qáterlerdi anıqlaw boyınsha sorawnama nátiyjeleri dodalandı.
Sonıń menen birge, ilajda qatnasqan bank wákilleri potencial qáwip-qáterlerdi anıqlaw hám olardıń aldın alıw boyınsha banklerde ámelge asırılıp hám rejelestirilip atırǵan jumıslar boyınsha óz pikirleri hám tájiriybeleri menen ortaqlastı.
Ushırasıw sońında kommerciyalıq banklerdiń qáwip-qáterlerdi basqarıwǵa juwapker qánigeleri menen birgelikte dógerek sáwbetlerin turaqlı túrde ótkeriw hám Oraylıq bank tárepinen qarjılay turaqlılıqtı támiyinlew boyınsha alıp barılıp atırǵan makroprudencial siyasat baǵdarında pikir almasıw ámeliyatın jolǵa qoyıwǵa kelisip alındı.

Sh.Mamaturopova, ÓzA