Ózbekstan Respublikası Bas ministriniń orınbasarı – Shańaraq hám hayal-qızlar komitetiniń baslıǵı Zulayho Mahkamova basshılıǵında hayal-qızlar hám shańaraqlardı qollap-quwatlaw tarawın sanlastırıw jumısların jetilistiriw, uyımlararlıq sanlı transformaciya processlerin jedellestiriwge baǵıshlanǵan májilis bolıp ótti.

Ministrler Kabinetiniń 2024-jıl 9-sentyabrdegi «Hayal-qızlardı qollap-quwatlaw mexanizmlerin bunnan bılay da jetilistiriw, olardıń mashqalaların sheshiwde málimleme-kommunikaciya texnologiyaların keńnen engiziw ilajları haqqında»ǵı qararınan kelip shıǵatuǵın tiykarǵı wazıypalardıń orınlanıw jaǵdayı talqılandı.
Pikir-usınıslar dodalandı.
Uyımlararlıq birgelikte ámelge asırılatuǵın wazıypalar belgilep alındı.
Sanlı texnologiyalar, Kámbaǵallıqtı qısqartıw hám bántlik, Ádillik, Densawlıqtı saqlaw hám Ishki isler ministrlikleri, Salıq komiteti jáne basqa da tiyisli shólkemlerdiń xızmetkerleri tárepinen shańaraq hám hayal-qızlardıń mashqalaları, puqaralardıń múrájatları menen islesiw, operativ sheshiwde sanlı texnologiyalardıń áhmiyeti sıyaqlı máselelerde usınıslar bildirilip, óz-ara dodalandı. Ámeldegi sistemalardı jetilistiriwge kelisip alındı.
***
Sonday-aq, Bas ministrdiń orınbasarı – Shańaraq hám hayal-qızlar komitetiniń baslıǵı Zulayho Mahkamova hám BMSh azıq-awqat hám awıl xojalıǵı shólkemleriniń Ózbekstan Respublikasındaǵı wákilxanası (FAO) wákilleriniń ushırasıwı bolıp ótti.
Sóylesiw barısında Bas ministrdiń orınbasarı tárepinen BMSh Azıq-awqat hám awıl-xojalıǵı shólkeminiń Ózbekstan Repsublikasındaǵı perspektivalı joybarları hám ekonomikanıń hár qıylı tarmaqların, ásirese, awıllıq jerlerdi rawajlandırıw hám alıs aymaqlarda da hayal-qızlar isbilermenligin rawajlandırıw jumıslarındaǵı nátiyjeli jumısı atap ótildi.
Qızǵın ótken ushırasıwda elimizde kámbaǵallıqtı qısqartıw, bántlikti támiyinlew hám isbilermenlik baslamaların qollap-quwatlaw arqalı shańaraqlardıń abadanlıǵın arttırıw baǵdarındaǵı jumıslarǵa joqarı baha berildi.
Búgingi kúnde hayal-qızlardıń huqıqları menen nızamlı máplerin qorǵaw, olardıń ekonomikalıq, sociallıq hám siyasiy belsendiligin arttırıw, densawlıqtı saqlaw, kásipke oqıtıw hám bántligin támiyinlewdegi bir qatar áhmiyetli máseleler dodalandı.
Awıllarda hám alıs aymaqlarda jasaytuǵın hayal-qızlarǵa klimatqa beyimlesiwge baylanıslı shólleniwge qarsı ámeliy járdem beriw, sonday-aq, hayal-qızlardıń nál jetistiriw, pal jetistiriw, «Smart Farm» yaǵnıy «Aqıllı fermerlik» hám hár qıylı awıl xojalıǵı tarawlarında sawatlılıǵın arttırıwǵa baylanıslı oqıwlardı shólkemlestiriw zárúrligi atap ótildi.
Densawlıqtı saqlaw, analıqtı hám balalıqtı qorǵaw, ilim, bilimlendiriw tarawları hám mádeniy-gumanitarlıq baǵdarlardaǵı birge islesiwdi bunnan bılay da jańa basqıshqa kóteriw, «Xalıqaralıq awıl hayalları kúni»ne baylanıslı ilajlardı birgelikte ótkeriw, «Qorshaǵan ortalıqtı qorǵaw hám «jasıl» ekonomika jılı»nda tábyattı qásterlep-saqlap, ekologiyalıq turaqlılıqtı támiyinlew boyınsha birgeliktegi ilajlardı shólkemlestiriwge áhmiyet berildi.

N.Usmanova,
ÓzAnıń xabarshısı