Ózbekstannıń Ayrıqsha hám Tolıq huqıqlı elshisi Baxtiyor Ibragimov Albaniya Prezidenti Bayram Begayga isenim jarlıqların tapsırdı, dep xabar beredi xs.uz.

Vena qalasındaǵı prezidenttiń rezidenciyasında bolıp ótken saltanatlı máresimnen soń ótkerilgen sóylesiw waqtında Ózbekstan hám Albaniya arasındaǵı eki tárepleme qatnasıqlardı rawajlandırıw perspektivaları dodalandı. Sawda-ekonomikalıq, mádeniy hám turizm tarawlarında birge islesiwdi bekkemlew máselelerine ayrıqsha itibar qaratıldı.
Baxtiyor Ibragimov 2023-jıl noyabr ayında Avstriya Prezidenti Aleksandr Van der Bellenga isenim jarlıqların tapsırǵan edi. Sonday-aq, ol 2023-jılı shtab kvartirası Vena qalasında jaylasqan EQBSh, BMSh Náshebentlik zatlar hám jınayatshılıqqa qarsı gúresiw basqarması, yadro sınaqların keń kólemli qadaǵan etiw haqqındaǵı shártnama shólkemi, XAЕA sıyaqlı xalıqaralıq shólkemlerdegi mámleketimizdiń rásmiy wákili sıpatında da akkreditaciyalanǵan.

Qaraqalpaqstan xabar agentligi